केंद्रीय मंत्रिमंडळात मोठे फेरबदल? धर्मेंद्र प्रधान यांच्यावर टांगती तलवार; महाराष्ट्रातून कोणाला संधी?

Cabinet Expansion 2026

केंद्रीय मंत्रिमंडळामध्ये लवकरच फेरबदल होण्याची चर्चा सध्या प्रसारमाध्यमांमध्ये सुरू आहे.(Cabinet Expansion 2026)

पंतप्रधान नरेंद्र मोदी आणि गृहमंत्री अमित शहा यांनी राष्ट्रपती द्रौपदी मुर्मू यांची घेतलेली भेटही

याच पार्श्वभूमीवर असल्याच्या चर्चा रंगल्या आहेत. या संभाव्य मंत्रिमंडळ फेरबदलात

कोणत्या मंत्र्यांना वगळले जाऊ शकते आणि कोणत्या नव्या चेहऱ्यांना

संधी मिळू शकते, याबाबत विविध राजकीय वर्तुळात चर्चा सुरू आहे.

केंद्रीय मंत्रिमंडळाचा विस्तार लवकरच?

केंद्रीय मंत्रिमंडळाचा लवकरच विस्तार होण्याची शक्यता व्यक्त केली जात आहे.(Cabinet Expansion 2026) एका केंद्रीय

मंत्र्याच्या राजीनाम्यानंतर काही नव्या मंत्र्यांचा मंत्रिमंडळात समावेश होऊ शकतो.

त्यामुळे दिल्लीमध्ये विविध बैठका सुरू असल्याची माहिती समोर येत आहे.

विशेषतः केंद्रीय शिक्षणमंत्री धर्मेंद्र प्रधान यांना मंत्रिमंडळातून वगळले जाणार का,

तसेच महाराष्ट्रातून शिवसेना (शिंदे गट) मधील कोणाला मंत्रीपदाची संधी मिळणार, याकडे सर्वांचे लक्ष लागले आहे.

हेही वाचा-गद्दार कोण, इमानदार कोण?’ सईद खान यांच्या वक्तव्यानंतर महायुतीत नवा राजकीय वाद

धर्मेंद्र प्रधान यांचा राजीनामा होणार?

प्रसारमाध्यमांमध्ये सुरू असलेल्या चर्चेनुसार, केंद्रीय शिक्षणमंत्री धर्मेंद्र प्रधान यांना मंत्रिमंडळातून वगळले जाऊ शकते.

नीट परीक्षा पेपरफुटी प्रकरणानंतर देशभरात निर्माण झालेला संताप, विरोधकांचे

हेही वाचा-किडनीचा आजार टाळायचा आहे? डॉक्टरांनी सांगितलेल्या या 3 सवयी आजपासूनच अंगीकारा

आंदोलन आणि परीक्षांतील कथित गोंधळ यामुळे हा निर्णय घेतला जाऊ शकतो,

अशी सूत्रांची माहिती आहे. विद्यार्थी आणि पालकांमध्ये निर्माण झालेल्या नाराजीच्या

पार्श्वभूमीवर धर्मेंद्र प्रधान यांच्याबाबत निर्णय होण्याची शक्यता व्यक्त केली जात आहे.

तसेच, पंजाबमधील केंद्रीय मंत्री हरदीप पुरी यांच्या जागी पंजाबमधूनच

दुसऱ्या एखाद्या नेत्याला संधी मिळू शकते, अशीही चर्चा आहे.

नव्याने कोण होणार मंत्री?

सूत्रांच्या माहितीनुसार, केंद्रीय मंत्रिमंडळात काही नव्या चेहऱ्यांचा समावेश होऊ शकतो.

विविध पक्षांतील राजकीय घडामोडी लक्षात घेऊन काही खासदारांना मंत्रीपद दिले जाऊ शकते, अशी चर्चा सुरू आहे. मात्र,

याबाबत अद्याप कोणतीही अधिकृत घोषणा करण्यात आलेली नाही.

महाराष्ट्रातून कोणाला संधी?

महाराष्ट्रातून एक किंवा दोन खासदारांना केंद्रीय मंत्रीपदाची संधी मिळू शकते, अशी चर्चा आहे.

यामध्ये शिवसेना (शिंदे गट) चे खासदार डॉ. श्रीकांत शिंदे यांचे नाव आघाडीवर असल्याचे बोलले जात आहे.

तसेच, अलीकडेच शिवसेना (शिंदे गट) मध्ये प्रवेश केलेल्या काही

खासदारांपैकी एखाद्यालाही मंत्रीपद मिळू शकते, अशीही चर्चा राजकीय वर्तुळात सुरू आहे.

केंद्रीय मंत्र्यांचा राजीनामा

अलीकडेच केरळ भाजपचे ज्येष्ठ नेते जॉर्ज कुरियन यांनी राज्यसभेतील कार्यकाळ

संपल्यानंतर केंद्रीय मंत्रिमंडळातील आपल्या पदाचा राजीनामा दिला. त्यांनी अल्पसंख्याक

व्यवहार तसेच मत्स्यव्यवसाय, पशुसंवर्धन आणि दुग्धव्यवसाय राज्यमंत्री म्हणून काम पाहिले होते.

राष्ट्रपती द्रौपदी मुर्मू यांनी त्यांचा राजीनामा स्वीकारला आहे.

दरम्यान, रवनीत सिंग बिट्टू हे राज्यसभेतील कार्यकाळ संपल्यानंतरही मंत्रीपदावर कायम आहेत.

पंकज चौधरी आणि हर्ष मल्होत्रा हे देखील केंद्र सरकारमध्ये मंत्री म्हणून कार्यरत आहेत.

सर्वांचे लक्ष मंत्रिमंडळ विस्ताराकडे

केंद्रीय मंत्रिमंडळाचा विस्तार लवकरच होण्याची शक्यता व्यक्त केली जात आहे.(Cabinet Expansion 2026)

विशेषतः महाराष्ट्रातून किती जणांना केंद्रीय मंत्रीपदाची संधी मिळणार, याकडे राज्यातील

राजकीय वर्तुळासह सर्वसामान्यांचेही लक्ष लागले आहे. मात्र, अधिकृत घोषणा होईपर्यंत या

सर्व घडामोडी चर्चेच्या आणि सूत्रांच्या माहितीनुसार असल्याचे लक्षात घेणे आवश्यक आहे.