माजी खासदाराने सोडले राजकारण; पुन्हा स्वीकारली शिक्षकाची नोकरी, जाणून घ्या कारण

Rebati Tripura

प्रत्येकाला वाटते की आपण राजकारणात एखाद्या चांगल्या पदावर जावे, लोकांनी

आपल्याला मान द्यावा. अशा पद्धतीची इच्छा मनात असते. पण प्रत्येकाची इच्छा पूर्ण होत नाही.

राजकारणात गेलेला माणूस राजकारण सोडू शकत नाही, असा एक समज आपल्यामध्ये आहे.

पण एका माजी खासदाराने राजकारणाला रामराम करत चक्क शिक्षक म्हणून

नोकरी करण्यास सुरुवात केली. नेमके यामागचे काय कारण आहे, जाणून घेऊया.

सध्या भारतीय जनता पक्षामध्ये येणाऱ्या लोकांची संख्या वाढलेली आहे.

पण भारतीय जनता पक्षाच्या एका माजी खासदाराने चक्क राजकारणाला, पक्षाला रामराम करत शिक्षक म्हणून नोकरी

स्वीकारली आहे. लोकप्रतिनिधी म्हणून जनतेतून निवडून येऊनदेखील या माजी खासदाराने

शिक्षक म्हणून नोकरी करणे पसंत केले. यांचे नाव आहे रेबेती त्रिपुरा. मी राजकारणामध्ये

येण्यापूर्वी शिक्षक होते, राजकारण सोडल्यानंतर परत एकदा शिक्षक झाले.

 

कोण आहेत रेबेती त्रिपुरा?

 

Rebati Tripura हे त्रिपुरातील एक राजकारणी, शिक्षक आणि माजी खासदार आहेत.

 

त्यांनी आपल्या साध्या जीवनशैलीमुळे आणि शिक्षण क्षेत्रातील योगदानामुळे विशेष ओळख निर्माण केली आहे.

https://en.wikipedia.org/wiki/Rebati_Tripura

भारतीय जनता पक्षाच्या माजी खासदार रेबेती त्रिपुरा यांनी राजकारणापासून दूर होऊन आपल्या पूर्वीच्या शिक्षिकेच्या

व्यवसायात पुनरागमन केले आहे. शाळेतील शिक्षिका ते भाजप खासदार आणि आता

पुन्हा शिक्षक झालेल्या रेबेती त्रिपुरा म्हणतात की, आपल्या राजकीय कारकिर्दीला

अचानक विराम मिळाल्यानंतर पूर्वीच्या व्यवसायात परतल्यामुळे

त्यांना केवळ जगण्याचा उद्देशच मिळाला नाही, तर भविष्यातील आर्थिक सुरक्षितताही सुनिश्चित झाली आहे.

 

त्रिपुराच्या धलाई जिल्ह्यातील एका दुर्गम गावातील रहिवासी असलेल्या रेबेती त्रिपुरा यांनी राज्यशास्त्रातील पदव्युत्तर पदवी

पूर्ण केल्यानंतर २००१ मध्ये अगरतळा येथील महात्मा गांधी मेमोरियल स्कूलमध्ये शिक्षिका म्हणून काम करण्यास सुरुवात

 

हेही वाचा-पतंजलीची विमा क्षेत्रात एंट्री! बाबा रामदेव यांच्या कंपनीने ४,५०० कोटींच्या करारातून मॅग्मा जनरल इन्शुरन्सचे अधिग्रहण केले

 

केली. तथापि, त्यांच्या मनात राजकारणात प्रवेश करण्याची इच्छा होती. २०१४ मध्ये भारतीय जनता पक्षात सामील

झाल्यामुळे त्यांना ही संधी मिळाली. २०१९ च्या लोकसभा निवडणुकीत

पक्षाने त्यांना पूर्व त्रिपुरा संसदीय जागेसाठी उमेदवारी दिली आणि त्या निवडणूक जिंकून खासदार झाल्या.

 

रेबेती त्रिपुरा यांची माहिती

 

पूर्ण नाव : रेबेती त्रिपुरा (Rebati Tripura)

 

राज्य : त्रिपुरा

 

व्यवसाय : शिक्षक, राजकारणी

 

माजी पद : लोकसभा खासदार

 

राजकीय कारकीर्द

 

रेबेती त्रिपुरा यांनी त्रिपुरातील आदिवासी समाजाच्या प्रश्नांवर काम केले.

हेही वाचा-जयललितांच्या शेजारी राहणारे मोहन शर्मा आज वृद्धाश्रमात; रजनीकांतांच्या मदतीने मिळाला जगण्याचा आधार

त्या लोकसभेवर निवडून गेल्या आणि संसदेत आपल्या मतदारसंघाचे प्रतिनिधित्व केले.

 

खासदार म्हणून कार्यकाळ पूर्ण झाल्यानंतर त्यांनी सक्रिय राजकारणापासून काही प्रमाणात दूर जात पुन्हा शिक्षकी पेशा स्वीकारला.

 

चर्चेत का आले?

 

माजी खासदार असूनही त्यांनी शिक्षकाची नोकरी स्वीकारल्याने त्यांची देशभरात चर्चा झाली.

राजकारणानंतर साधेपणाने शिक्षण क्षेत्रात परतणाऱ्या नेत्यांमध्ये त्यांचे नाव विशेषत्वाने घेतले जाते.

 

वैयक्तिक वैशिष्ट्ये

 

अत्यंत साधी राहणी

 

आदिवासी समाजाशी घट्ट नाते

 

शिक्षण आणि सामाजिक सेवेला प्राधान्य

 

प्रसिद्धीपेक्षा प्रत्यक्ष कामावर भर

 

रेबेती त्रिपुरा यांनी का सोडले राजकारण?

 

शिक्षक ते खासदार असा रेबेती त्रिपुरा यांचा राजकीय प्रवास राहिला.

पण मागील निवडणुकीमध्ये मात्र त्यांना उमेदवारी मिळाली नाही. त्रिपुरामधील

राजपरिवारातून व त्रिपुरा मोथा पक्षाचे प्रमुख प्रद्योत किशोर देबबर्मा यांच्या बहिणी

कृती देवी देबबर्मा यांना उमेदवारी देण्यात आली. रेबेती भाजपच्या त्रिपुरा

युनिटच्या कोअर कमिटीच्या सदस्य होत्या, परंतु गेल्या दोन वर्षांपासून

त्या पक्षाच्या कार्यात जवळजवळ निष्क्रिय होत्या. नुकत्याच जाहीर झालेल्या

भाजपच्या पदाधिकाऱ्यांच्या यादीतही त्यांचे नाव समाविष्ट नव्हते. म्हणून त्यांनी राजकारणालाच रामराम केला.

 

खासदार की शिक्षक खासदार ते परत शिक्षक

 

उमेदवारी मिळाली नाही आणि भारतीय जनता पक्षाच्या कोअर कमिटीमध्ये विशेष काही

काम नसल्यामुळे त्यांनी शिक्षक होण्याचा निर्णय घेतला. २० जुलै २०२६ पासून त्यांनी परत एकदा शिकवण्यास सुरुवात केली.

 

“मी सरकारी शाळेत पदव्युत्तर शिक्षक म्हणून माझ्या जुन्या व्यवसायात परतण्याचा निर्णय घेतला आहे.”

 

त्या म्हणाल्या, “जर मला विद्यार्थ्यांसोबत काम करताना सोयीस्कर वाटले,

तर मी शिकवणे सुरू ठेवीन. जर तसे वाटले नाही, तर मी स्वेच्छानिवृत्ती घेऊ शकेन.

निदान या नोकरीमुळे सेवानिवृत्तीनंतरचे फायदे तरी मिळतील, ज्यात दरमहा

सुमारे ५०,००० रुपयांच्या पेन्शनचा समावेश आहे. ही एक मोठी रक्कम आहे.”

 

शाळा प्रशासनानेदेखील त्यांचे जंगी स्वागत केले. ही कदाचित पहिली घटना असावी की, जेव्हा एका माजी खासदाराने परत

एकदा शिक्षक म्हणून काम करणे पसंत केले. सध्या त्यांच्या या कामाचे सर्वत्र कौतुक होत आहे.