हॉटेलमध्ये जेवायला जाता? तुकाराम मुंढे यांनी सांगितलेले हे 6 नियम प्रत्येक ग्राहकाने जाणून घ्यावेत

FSSAI हॉटेल नियम

हॉटेलमध्ये जेवायला जाण्यापूर्वी हे नियम जाणून घ्या; तुकाराम मुंढे यांनी दिल्या महत्त्वाच्या सूचना

राज्यातील सर्वाधिक चर्चेत असलेले सनदी अधिकारी म्हणजे तुकाराम मुंढे. कामातील तत्परता,

कोणत्याही प्रकारच्या शिफारशी किंवा भ्रष्टाचाराला न जुमानणे, कोणाच्याही

दबावाखाली काम न करणे आणि प्रत्येक निर्णय कायद्यानुसार घेणे, ही त्यांच्या कामाची वैशिष्ट्ये आहेत.

सध्या वरिष्ठ सनदी (IAS) अधिकारी तुकाराम मुंढे हे महाराष्ट्र अन्न व औषध प्रशासन (FDA) विभागाचे आयुक्त म्हणून कार्यरत

आहेत. त्यांच्या नियुक्तीनंतर अन्न सुरक्षा नियमांच्या अंमलबजावणीवर विशेष भर दिला जात आहे. हॉटेल आणि

खाद्यव्यवसाय चालकांनी कोणते नियम पाळणे आवश्यक आहे, याबाबतही त्यांनी स्पष्ट सूचना दिल्या आहेत.

हेही वाचा-बनावट औषधांवर सरकारचा मोठा प्रहार! आता औषधांवर QR कोड अनिवार्य; एका स्कॅनमध्ये मिळणार संपूर्ण माहिती

1) शाकाहारी व मांसाहारी पदार्थांसाठी स्वतंत्र स्वयंपाकघर

अनेक हॉटेलमध्ये शाकाहारी आणि मांसाहारी दोन्ही प्रकारचे पदार्थ मिळतात. मात्र, नियमांनुसार शाकाहारी आणि मांसाहारी

पदार्थ तयार करण्यासाठी स्वतंत्र स्वयंपाकघर असणे आवश्यक आहे.

हेही वाचा-तुकाराम मुंढे यांच्या बदलीसाठी ₹250 कोटींची लॉबिंग? विधानसभेत जितेंद्र आव्हाडांचा मोठा दावा

एकाच स्वयंपाकघरात दोन्ही प्रकारचे पदार्थ तयार करणे नियमबाह्य मानले जाऊ शकते.

2) गरम व थंड अन्न साठवण्याचे नियम

हॉटेलमध्ये गरम आणि थंड दोन्ही प्रकारचे पदार्थ दिले जातात. त्यांची साठवण योग्य तापमानात करणे आवश्यक आहे.

गरम अन्न 60°C किंवा त्यापेक्षा जास्त तापमानात ठेवावे.

थंड अन्न 5°C किंवा त्यापेक्षा कमी तापमानात साठवावे.

या नियमांचे पालन न केल्यास अन्न दूषित होऊन ग्राहकांच्या आरोग्यावर परिणाम होऊ शकतो.

3) वेटर आणि कुक यांच्यासाठी नियम

हॉटेलमधील वेटर आणि स्वयंपाकी यांनी स्वच्छ गणवेश परिधान करणे आवश्यक आहे.

डोक्यावर कॅप वापरणे, हाताची नखे कापलेली असणे आणि वैयक्तिक स्वच्छता राखणे अनिवार्य आहे.

तसेच कर्मचाऱ्यांची नियमित वैद्यकीय तपासणी करणेही आवश्यक आहे.

4) स्वयंपाकघरासाठी नियम

स्वयंपाकघर स्वच्छ, हवेशीर आणि गुळगुळीत फरशी असलेले असावे.

फरशी व परिसराची नियमित स्वच्छता करणे आवश्यक आहे, जेणेकरून अन्न सुरक्षित राहील.

5) ग्राहकांना मोफत शुद्ध पिण्याचे पाणी

ग्राहक हॉटेलमध्ये आल्यानंतर त्यांना थेट बाटलीबंद पाणी देणे बंधनकारक नाही.

प्रथम ग्राहकाला शुद्ध पिण्याचे मोफत पाणी हवे आहे की बाटलीबंद पाणी, याची

विचारणा करणे आवश्यक आहे. कोणत्याही ग्राहकावर बाटलीबंद पाणी घेण्याची सक्ती करता येत नाही.

6) मेनू कार्डसाठी नियम

शाकाहारी आणि मांसाहारी पदार्थ देणाऱ्या हॉटेलमध्ये मेनू कार्ड स्पष्ट असणे आवश्यक आहे.

शाकाहारी पदार्थांसाठी हिरवे वर्तुळ दर्शविणे आवश्यक आहे.

मांसाहारी पदार्थांसाठी तपकिरी त्रिकोण दर्शविणे आवश्यक आहे.

यामुळे ग्राहकांना पदार्थांची योग्य ओळख पटते.

नियमांचे उल्लंघन केल्यास कारवाई

अन्न सुरक्षा नियमांचे उल्लंघन करणाऱ्या हॉटेल चालकांवर संबंधित कायद्यांनुसार

कारवाई केली जाऊ शकते. दंड, परवाना निलंबित करणे किंवा इतर कायदेशीर कारवाई होऊ शकते.

ग्राहकांनीही आपले अधिकार जाणून घ्यावेत

ग्राहकांनी हॉटेलमध्ये स्वच्छ पिण्याचे पाणी, स्वच्छ स्वयंपाकघर, स्वच्छतागृह आणि

सुरक्षित अन्न मिळण्याचा अधिकार जाणून घेणे आवश्यक आहे. अन्न सुरक्षा नियमांची

माहिती असल्यास ग्राहक स्वतःचे आरोग्य अधिक चांगल्या प्रकारे जपू शकतात