शरद पवारांची पुढची चाल काय? काँग्रेसमध्ये विलीनीकरण की एनडीएसोबत जाणार? महाराष्ट्राच्या राजकारणात चर्चांना उधाण

 

शरद पवार गटामध्ये नेमकं चाललं तरी काय? हा प्रश्न सध्या महाराष्ट्राला पडला आहे.

कारण प्रसारमाध्यमांमध्ये येणाऱ्या बातम्या आणि वेगवेगळ्या चर्चा पाहता, शरद पवार नेमके काय करणार? पक्षाचे थेट

काँग्रेसमध्ये विलीनीकरण करणार की एनडीएसोबत जाणार? महाराष्ट्रातील नव्हे

तर देशातील कोणत्याही राजकीय विश्लेषकांना शरद पवार नेमकी

कोणती खेळी खेळतील, याचा थांगपत्ता लागत नाही. सध्याही हीच परिस्थिती आहे.

 

उबाठा गटाच्या सहा खासदारांनी शिवसेनेमध्ये प्रवेश केल्यानंतर देशाच्या राजकारणात एकच खळबळ उडाली.

छोट्या पक्षांना भारतीय जनता पक्ष तसेच एनडीएतील घटक पक्ष टार्गेट करत असल्याच्या चर्चा सुरू झाल्या.

तसे आरोपही विरोधी पक्षांनी केले. मात्र, छोट्या पक्षांचे अस्तित्व टिकवण्यासाठी त्यांना

काँग्रेसमध्ये स्वतःच्या पक्षाचे विलीनीकरण करण्याशिवाय पर्याय राहिला नाही,

असे मत राजकीय विश्लेषकांनी व्यक्त केले. उबाठा गटाचे जे काही झाले,

त्यानंतर शरद पवार नेमका काय निर्णय घेणार, याविषयी चर्चांना उधाण आले आहे.

 

१० पैकी ५ आमदार एनडीएसोबत जाण्यास इच्छुक?

 

राष्ट्रवादी काँग्रेस (शरद पवार) पक्षाच्या आमदारांची बैठक ८ जुलै रोजी पार पडली. सूत्रांनी दिलेल्या माहितीनुसार,

ही बैठक महाराष्ट्र-कर्नाटक सीमा प्रश्नावर आयोजित करण्यात आली होती.

मात्र, यामध्ये काँग्रेससोबत जायचे की एनडीएमध्ये जायचे, यावरही चर्चा झाल्याचे सांगितले जाते.

दहा आमदार असलेल्या या पक्षातील पाच आमदारांचे म्हणणे आहे की, एनडीएसोबत जायला पाहिजे.

तर उर्वरित पाच आमदार हे पक्षाचे काँग्रेसमध्ये विलीनीकरण करण्याच्या बाजूने असल्याची चर्चा आहे.

एनडीएसोबत जाण्याच्या बाजूने असलेल्या आमदारांचे म्हणणे आहे की,

महायुतीमध्ये सामील झाल्यास मतदारसंघाच्या विकासासाठी निश्चित फायदा होईल

आणि सत्तेतही राहता येईल. तर दुसऱ्या गटाचे म्हणणे आहे की, एनडीएमध्ये

जाण्यापेक्षा काँग्रेसमध्ये पक्षाचे विलीनीकरण करणे अधिक योग्य राहील.

हेही वाचा-नवीन मतदार नोंदणीचे नियम बदलले! ऑनलाइन फॉर्म-6 भरताना आता पालकांची ही माहिती देणे बंधनकारक

शरद पवार यांचे नातू आणि आमदार रोहित पवार हे देखील एनडीएसोबत

जाण्यास इच्छुक नसल्याचे सांगितले जात आहे. त्यामुळे शरद पवार यांच्यासमोर मोठा प्रश्न उभा राहिला आहे.

 

शरद पवार यांनी मुख्यमंत्री देवेंद्र फडणवीस यांचे आभार मानले

 

महाराष्ट्रामध्ये शेतकऱ्यांच्या कर्जमाफीबाबत महायुती सरकारने काही महत्त्वाचे निर्णय घेतले आहेत.

त्यामधील काही जाचक अटीही महाराष्ट्र शासनाने रद्द केल्या आहेत.

त्यामुळे शेतकऱ्यांचा मोठ्या प्रमाणात फायदा झाला आहे. याबद्दल शरद पवार

यांनी मुख्यमंत्री देवेंद्र फडणवीस यांचे आभार मानले. त्यामुळेही शरद पवार

एनडीएसोबत जाणार का, याविषयी चर्चांना उधाण आले आहे.

सुप्रिया सुळे आणि रोहित पवार यांची भूमिका काय?

 

शरद पवार यांच्या कन्या खासदार सुप्रिया सुळे तसेच नातू आमदार रोहित पवार यांची

भूमिका देखील महत्त्वाची मानली जात आहे. या दोघांचेही म्हणणे आहे की, एनडीएसोबत

https://www.facebook.com/share/v/1DBr5eGaB5/

जाणे योग्य ठरणार नाही. एका खासगी वृत्तवाहिनीला दिलेल्या मुलाखतीमध्ये

रोहित पवार यांनी स्पष्टपणे सांगितले की, भारतीय जनता पक्षासोबत जाणे योग्य नाही.

हे ही वाचा-LPG ग्राहकांसाठी मोठी खुशखबर! सरकार आणणार 10 किलोचा हलका गॅस सिलेंडर; जाणून घ्या कोणाला होणार फायदा

तसेच खासदार सुप्रिया सुळे यांनीही अशा कोणत्याही चर्चा नसल्याचे सांगत

एनडीएसोबत जाणार नसल्याचे स्पष्ट केले. त्यामुळे शरद पवार यांना

पुन्हा एकदा घरातूनच विरोध होत आहे का, अशी चर्चा राजकीय वर्तुळात सुरू झाली आहे.

 

शरद पवार यांच्या पक्षातील फुटीचा मुद्दा कसा तापला?

काँग्रेस पक्षातून आलेल्या वृत्तांमुळे शरद पवार यांच्या पक्षातील फुटीच्या मुद्द्यालाही हवा मिळाली आहे.

राष्ट्रवादी काँग्रेस (शरद पवार) आणि समाजवादी पक्षाने थेट काँग्रेसमध्ये

विलीन व्हावे, असे महाराष्ट्र काँग्रेसच्या काही नेत्यांना वाटत नाही.

 

काँग्रेस एका वेगळ्या रणनीतीवर काम करत आहे. लोकसभा आणि विधानसभेतील पक्षाची ताकद वाढवण्यासाठी काँग्रेस

वेगवेगळ्या टप्प्यांवर खासदार आणि आमदारांना पक्षात सामील करून घेण्याची योजना आखत आहे. लोकसभेत राष्ट्रवादी आणि

समाजवादी पक्षाचे ८ खासदार आहेत, तर महाराष्ट्र विधानसभेत १० आमदार आहेत.

काँग्रेसला केवळ संघटनेशी संबंधित निवडक राष्ट्रवादी नेत्यांनाच पक्षात घ्यायचे आहे.

 

काँग्रेस नेत्यांना अशीही चिंता आहे की, जर शरद पवार यांचा पक्ष काँग्रेसमध्ये विलीन झाला,

तर खासदार आणि आमदारांसोबतच त्यांच्या वरिष्ठ नेत्यांनाही काँग्रेसमध्ये

महत्त्वाची पदे द्यावी लागतील. त्यामुळे पक्षातील जुने नेते मागे पडतील.

उपमुख्यमंत्री एकनाथ शिंदे आणि शरद पवार यांची भेट

 

महाराष्ट्र-कर्नाटक सीमा प्रश्नावर आयोजित बैठकीसाठी तब्बल तीस वर्षांनंतर शरद पवार महाराष्ट्र विधानभवनात आले होते.

बैठक संपल्यानंतर कोणताही पूर्वनियोजित कार्यक्रम नसताना ते थेट उपमुख्यमंत्री एकनाथ शिंदे यांना भेटण्यासाठी गेले. त्या

वेळी एकनाथ शिंदे मंत्रिमंडळाच्या बैठकीत होते. मात्र, शरद पवार आल्याचे समजताच त्यांनी बैठक सोडून बाहेर येत त्यांचे

स्वागत केले. दोन्ही नेत्यांमध्ये काही काळ चर्चा देखील झाली. या

भेटीनंतर महाराष्ट्राच्या राजकीय वर्तुळात नव्या चर्चांना उधाण आले.

 

शरद पवार नेमकी काय भूमिका घेणार?

शरद पवार कोणती भूमिका घेतील, याचा अंदाज बांधणे कठीण आहे. ते काय निर्णय घेतील,

याचा थांगपत्ता कोणालाच लागत नाही. सध्याही तशीच परिस्थिती आहे.

उबाठा गटाच्या सहा खासदारांच्या पक्षांतरावरही शरद पवार यांनी कोणतीही ठोस प्रतिक्रिया दिलेली नाही.

कधी काँग्रेसमध्ये विलीनीकरण होणार, तर कधी एनडीएसोबत जाणार, अशा चर्चा सुरू आहेत.

मात्र, शरद पवार याबाबत अद्याप चकार शब्दही बोललेले नाहीत.

 

शरद पवार यांना बरोबर घेण्यास काँग्रेसचा काही नेत्यांचा विरोध?

शरद पवार यांचा पक्ष काँग्रेसमध्ये विलीन होणार, अशा चर्चा सुरू असतानाच काँग्रेसमध्येही यावर चर्चा सुरू झाल्या आहेत.

काँग्रेसमधील काही वरिष्ठ नेत्यांना असे वाटते की, शरद पवार यांच्या पक्षाचे विलीनीकरण झाल्यास स्वतःचे राजकीय अस्तित्व

धोक्यात येऊ शकते. त्यामुळे अशा विलीनीकरणाला त्यांचा विरोध असल्याची चर्चा सध्या प्रसारमाध्यमांमध्ये आहे.

राजकीय विश्लेषकांचे म्हणणे आहे की, शरद पवार यांच्या पक्षामध्ये पडलेले

दोन गट हीच त्यांच्यासाठी सर्वात मोठी डोकेदुखी ठरू शकते. अखेर कोणासोबत जायचे,

याचा अंतिम निर्णय शरद पवार हेच घेणार आहेत. त्यामुळे आता संपूर्ण महाराष्ट्राचे लक्ष त्यांच्या निर्णयाकडे लागले आहे.

 

सतत विचारले जाणारे प्रश्न

FAQ 1: शरद पवार एनडीएमध्ये जाणार की काँग्रेसमध्ये पक्षाचे विलीनीकरण करणार?

 

उत्तर: सध्या याबाबत कोणतीही अधिकृत घोषणा झालेली नाही. एनडीएसोबत जाणे आणि काँग्रेसमध्ये विलीनीकरण या दोन्ही

शक्यतांबाबत राजकीय वर्तुळात चर्चा सुरू आहेत. मात्र, अंतिम निर्णय शरद पवारच

घेणार असून त्यांनी अद्याप आपली भूमिका स्पष्ट केलेली नाही.

 

FAQ 2: राष्ट्रवादी काँग्रेस (शरद पवार) पक्षातील आमदारांमध्ये मतभेद आहेत का?

 

उत्तर: प्रसारमाध्यमांतील वृत्तांनुसार, पक्षातील काही आमदार एनडीएसोबत जाण्याच्या बाजूने आहेत,

तर काही आमदार काँग्रेसमध्ये विलीनीकरणाच्या बाजूने असल्याची चर्चा आहे.

मात्र, याबाबत पक्षाकडून अधिकृत भूमिका जाहीर करण्यात आलेली नाही.

 

FAQ 3: सुप्रिया सुळे आणि रोहित पवार यांची भूमिका काय आहे?

उत्तर: खासदार सुप्रिया सुळे आणि आमदार रोहित पवार यांनी सार्वजनिकरीत्या एनडीएसोबत जाण्याच्या चर्चांना दुजोरा

दिलेला नाही. रोहित पवार यांनी भाजपसोबत जाणे योग्य नसल्याचे मत व्यक्त केले आहे,

तर सुप्रिया सुळे यांनीही अशा कोणत्याही निर्णयाची अधिकृत माहिती नसल्याचे सांगितले आहे.

 

FAQ 4: शरद पवार आणि उपमुख्यमंत्री एकनाथ शिंदे यांच्या भेटीची चर्चा का होत आहे?

उत्तर: महाराष्ट्र-कर्नाटक सीमा प्रश्नावरील बैठकीनंतर शरद पवार यांनी उपमुख्यमंत्री एकनाथ शिंदे यांची भेट घेतली.

या भेटीनंतर विविध राजकीय तर्क-वितर्कांना उधाण आले. मात्र, या भेटीबाबत

दोन्ही बाजूंनी कोणतीही राजकीय घोषणा करण्यात आलेली नाही.

 

FAQ 5: शरद पवार यांच्या राजकीय निर्णयाकडे सर्वांचे लक्ष का लागले आहे?

उत्तर: उबाठा गटातील अलीकडील राजकीय घडामोडी, राष्ट्रवादी काँग्रेस (शरद पवार) पक्षातील

संभाव्य मतभेद आणि काँग्रेस-एनडीएबाबत सुरू असलेल्या चर्चांमुळे शरद पवार

यांच्या पुढील भूमिकेला राज्याच्या राजकारणात मोठे महत्त्व प्राप्त झाले आहे.

त्यामुळे त्यांच्या निर्णयाकडे संपूर्ण महाराष्ट्राचे लक्ष लागले आहे.