२ वर्षांखालील मुलांना कफ सिरप देऊ नका – सरकारचा इशारा

कफ सिरपवर संशय, पण तपासात औषधे निर्दोष

मध्य प्रदेश आणि राजस्थानमध्ये गेल्या काही दिवसांत १२ मुलांचा मृत्यू झाल्याने चिंता वाढली. सुरुवातीला या मृत्यूंमागे कफ सिरप असल्याचा संशय घेतला गेला. परंतु औषधांच्या तपासणीत धक्कादायक उलट निष्कर्ष समोर आला. सर्व नमुने योग्य दर्जाचे आढळले, निकृष्ट दर्जाचा एकही सिरप नव्हता.

मृत्यू एका ठिकाणी केंद्रित – संशय कायम

छिंदवाडा जिल्ह्यातील पारसिया ब्लॉकमध्येच नऊ मृत्यू झाले. पहिला संशयित रुग्ण २४ ऑगस्ट रोजी आढळला, तर पहिला मृत्यू ७ सप्टेंबर रोजी झाला. राजस्थानमध्येही काही प्रकरणे समोर आली. मात्र सरकारकडून स्पष्ट करण्यात आले की सरकारी डॉक्टरांनी हे औषध लिहून दिले नव्हते, कुटुंबीयांनीच मुलांना दिले होते.

सरकारचा कडक इशारा – लहान मुलांना सिरप टाळा

आरोग्य सेवा महासंचालक डॉ. सुनीता शर्मा यांनी राज्ये व केंद्रशासित प्रदेशांना तातडीच्या सूचना दिल्या आहेत –

२ वर्षांखालील मुलांना कफ सिरप अजिबात देऊ नका.

५ वर्षांखालील मुलांमध्ये साधारणपणे ही औषधे वापरू नयेत.

५ वर्षांपेक्षा मोठ्या मुलांना डॉक्टरांनी लिहून दिल्यासच सिरप द्यावे.

औषध योग्य डोसमध्ये आणि कमीत कमी दिवसांसाठी द्यावे.

एकावेळी अनेक औषधे देणे टाळावे.

घरगुती आणि सुरक्षित उपायांचा सल्ला

तज्ज्ञांचा सल्ला आहे की मुलांना औषधांच्या ऐवजी सोपे घरगुती उपाय करावेत –

मुलांना भरपूर पाणी आणि द्रवपदार्थ द्या.

विश्रांती घ्यायला सांगा.

स्टीम इनहेलेशन, कोमट पाणी पिणे यामुळे खोकला व सर्दीतून आराम मिळतो.

औषधांच्या गुणवत्तेवर कठोर लक्ष

सरकारने सर्व आरोग्य संस्थांना निर्देश दिले आहेत –

औषधे केवळ दर्जेदार कंपन्यांकडूनच खरेदी केली पाहिजेत.

डॉक्टर आणि फार्मासिस्ट यांना योग्य मार्गदर्शन दिले जावे.

सर्व रुग्णालये व आरोग्य केंद्रांनी या मार्गदर्शक तत्त्वांचे काटेकोर पालन करावे.

हे हि वाचा-हृदयरोग टाळण्यासाठी आवश्यक माहिती: कारणे, लक्षणे, तपासण्या आणि उपचार

हे हि वाचा-रिकाम्या पोटी लसूण खाण्याचे फायदे: कोणते रोग दूर होतात, कोणते होत नाहीत?