NEET PG 2025 कट-ऑफ थेट शून्यावर! वैद्यकीय शिक्षणाच्या दर्जावर प्रश्नचिन्ह

नीट-पीजीच्या नवीन कट-ऑफला विरोध का होत आहे?

NEET PG 2025 कट ऑफ

NEET-PG च्या नवीन कट-ऑफनंतर, वैद्यकीय समुदायात वादविवाद तीव्र झाला आहे. डॉक्टरांच्या संघटनांनी असे म्हटले आहे की जर पीजी अभ्यासक्रमांमध्ये प्रवेश खूप कमी झाले तर भविष्यात उपचारांच्या गुणवत्तेवर आणि रुग्णांच्या सुरक्षिततेवर परिणाम होऊ शकतो.  काही डॉक्टरच्या म्हणण्यानुसार “खाजगी महाविद्यालयांना याचा फायदा होईल… वैद्यकीय पीजीच्या जागा कोट्यवधींना विकल्या जातील.”?

देशभरातील वैद्यकीय पदव्युत्तर अभ्यासक्रमांमधील हजारो रिक्त जागा भरण्यासाठी, राष्ट्रीय वैद्यकीय विज्ञान मंडळाने (NBEMS) NEET PG 2025 साठी पात्रता कटऑफ लक्षणीयरीत्या कमी केला आहे. सुधारित निकषांनुसार, सामान्य श्रेणी आणि EWS उमेदवारांसाठी पात्रता कटऑफ 50 पर्सेंटाइलवरून 7 टक्क्यापर्यंत कमी करण्यात आला आहे.

त्याचप्रमाणे, SC, ST आणि OBC उमेदवारांसाठी पर्सेंटाइल 40 वरून 0 टक्क्यापर्यंत  कमी करण्यात आला आहे. बेंचमार्क अपंगत्व (PwBD) असलेल्या सामान्य श्रेणीसाठी, कटऑफ 45 वरून 5 पर्सेंटाइलपर्यंत कमी करण्यात आला आहे.

हे लक्षात घ्यावे की NEET PG 2025 समुपदेशनाच्या दोन फेऱ्यांनंतर, सरकारी आणि खाजगी वैद्यकीय महाविद्यालयांमध्ये 18,000 हून अधिक पदव्युत्तर जागा रिक्त राहिल्या आहेत.

राखीव श्रेणीतील उमेदवारांसाठी पात्रता टक्केवारी शून्य करण्यात आली आहे. या निर्णयानंतर, NEET PG 2025 मध्ये 800 पैकी उणे 40 गुण मिळवणारे उमेदवार MD आणि MS सारख्या पदव्युत्तर वैद्यकीय अभ्यासक्रमांच्या प्रवेशासाठी सुरू असलेल्या

समुपदेशन प्रक्रियेच्या तिसऱ्या फेरीत सहभागी होऊ शकतील आणि प्रवेश सुरक्षित करू शकतील. कटऑफ स्कोअर 235 वरून उणे 40 पर्यंत कमी करण्यात आला आहे.

या कपातीचा अर्थ असा आहे की NEET PG 2025 मध्ये बसलेले सर्व राखीव श्रेणीतील उमेदवार आता MDA आणि MS जागांवर प्रवेशासाठी पात्र आहेत.

केंद्रीय आरोग्य मंत्रालयाच्या सूचनेनुसार हा निर्णय घेण्यात आल्याचे एनबीईएमएसने म्हटले आहे.

सरकारने जानेवारीमध्ये आरोग्य मंत्रालय आणि एनबीईएमएसकडून अहवाल मागितला होता, त्यानंतर तिसऱ्या फेरीसाठी कट-ऑफ कमी करण्याचा निर्णय घेण्यात आला.

जनरल आणि ईडब्ल्यूएसमध्ये १७३ गुण आणि ४३ टक्केवारी कमी झाली.

सुधारित मानकांनुसार, सामान्य आणि आर्थिकदृष्ट्या दुर्बल उमेदवारांसाठी पात्रता गुण ८०० पैकी २७६ होते. ते १०३ पर्यंत कमी करण्यात आले आहे. कट-ऑफ ५० टक्केवारीवरून फक्त ७ टक्केवारी करण्यात आला आहे.

सामान्य आणि अपंग श्रेणीतील उमेदवारांसाठी कट-ऑफ ४५ टक्केवारीवरून फक्त ५ टक्केवारी करण्यात आला आहे. पात्रता गुण देखील २५५ वरून ९० पर्यंत कमी करण्यात आला आहे.

विरोध – वैद्यकीय शिक्षणाचा दर्जा घसरेल

वैद्यकीय क्षेत्रातील काही घटकांनी या निर्णयावर जोरदार टीका केली आहे, ज्यांचा असा युक्तिवाद आहे की हे वैद्यकीय शिक्षणातील शैक्षणिक दर्जातील चिंताजनक घसरण दर्शवते. क ट ऑफ शून्यावर आणण्याच्या निर्णयामुळे वर्षानुवर्षे कठोर परिश्रम करणाऱ्या पात्र डॉक्टरांपेक्षा खाजगी वैद्यकीय महाविद्यालयांना जास्त फायदा होईल.

हेही वाचा-भविष्यात हृदयरोग टाळायचा असेल तर या तपासण्या वेळेवर करा

हेही वाचा-सावधान खोट्या वेबसाईट द्वारे फास्ट टॅग मध्ये फसवणूक

वैद्यकीय पदव्युत्तर जागा पुन्हा एकदा कोट्यवधींना विकल्या जातील अशी शक्यता निर्माण झाली आहे. सोप्या भाषेत सांगायचे तर जरी तुम्ही परीक्षेत झोपलात आणि नकारात्मक गुण मिळवले तरीही तुम्ही टॉप केलेल्या किंवा कठोर परिश्रम करणाऱ्या व्यक्तीच्या बरोबरीचे आहात. २०२३ मध्ये आरोग्य

मंत्रालयाने सर्व श्रेणींमध्ये पात्रता टक्केवारी शून्यावर आणली होती.

 काही तज्ञ डॉक्टरांच्या म्हणण्यानुसार, “निर्णयानुसार, आता -४०/८०० (निगेटिव्ह गुण) मिळवलेले उमेदवार देखील NEET पीजी कौन्सिलिंगमध्ये सहभागी होऊ शकतात? आणि पदव्युत्तर अभ्यासक्रमांमध्ये प्रवेश घेऊ शकतात. भारतात वैद्यकीय शिक्षणाचा स्तर वाढला आहे

काही डॉक्टरांच्या म्हणण्यानुसार, “मेरिटला नकारात्मक मूल्य असू नये. NEET PG चा -४० चा कट-ऑफ हा दिलासा नाही तर मानकांमध्ये घट आहे.”

https://mcc.nic.in/pg-medical-counselling/

NEET PG 2025 ची परीक्षा 3 ऑगस्ट 2025 रोजी घेण्यात आली आणि निकाल 19 ऑगस्ट रोजी जाहीर करण्यात आले. वैद्यकीय समुपदेशन समितीने (MCC) ऑक्टोबर-नोव्हेंबर 2025 दरम्यान समुपदेशनाची पहिली फेरी आयोजित केली,

त्यानंतर नोव्हेंबरच्या अखेरीस आणि डिसेंबरच्या सुरुवातीला दुसरी फेरी घेण्यात आली. MCC लवकरच तिसऱ्या फेरीचे वेळापत्रक जाहीर करेल अशी अपेक्षा आहे.

पहिल्या दोन फेरीत उमेदवारांनी राजीनामा दिल्यानंतर MCC ने अलीकडेच 540 जागा जोडून सीट मॅट्रिक्समध्ये सुधारणा केली. याव्यतिरिक्त, 135 नवीन PG वैद्यकीय जागा सुरू करण्यात आल्या, ज्यामुळे एकूण जागांची संख्या 32,215 झाली.