इम्रान खान यांच्या मृत्यूचा दावा! पाकिस्तानी पत्रकाराच्या पोस्टने खळबळ; PTI नेही व्यक्त केली चिंता
पाकिस्तानचे माजी पंतप्रधान इम्रान खान यांच्या प्रकृतीबाबत गंभीर दावा; कुटुंबीय, डॉक्टर आणि वकिलांना भेटण्याची परवानगी देण्याची PTI ची मागणी
Imran Khan Death News?
मागील काही वर्षांपासून पाकिस्तानच्या जेलमध्ये बंद असलेले
पाकिस्तानचे माजी पंतप्रधान इम्रान खान यांचा मृत्यू झाल्याचा दावा पाकिस्तानी ज्येष्ठ पत्रकार वजाहत एस. खान यांनी केला आहे.
5 ऑगस्ट 2023 रोजी तोशाखाना प्रकरणात इम्रान खान यांना अटक करण्यात आली होती.
तेव्हापासून ते पाकिस्तानमधील एका जेलमध्ये बंद आहेत. याआधीदेखील त्यांच्या मृत्यूच्या बातम्या आल्या होत्या;
पण यावेळी एका ज्येष्ठ पत्रकाराने केलेल्या दाव्यामुळे मात्र चर्चेला उधाण आले आहे.
ज्येष्ठ पाकिस्तानी पत्रकार वजाहत एस. खान यांची एक्स पोस्ट
ज्येष्ठ पाकिस्तानी पत्रकार वजाहत एस. खान यांनी इम्रान खान यांचे निधन झाल्याचा दावा केला आहे.
हेही वाचा-शरद पवार गटाच्या 8 खासदारांची PM मोदींशी भेट; दिल्लीतील राजकीय चर्चांना उधाण
पीटीआयच्या केंद्रीय माध्यम विभागाने त्यांच्या या दाव्याबद्दल ट्विट केले आहे. पीटीआयने काय म्हटले आहे, ते जाणून घेऊया.
ज्येष्ठ पाकिस्तानी पत्रकार वजाहत एस. खान यांनी पाकिस्तानी सरकार आणि लष्करातील
सूत्रांचा हवाला देत इम्रान खान यांचा मृत्यू झाल्याचा दावा केला आहे. यानंतर, पाकिस्तान तहरीक-ए-इन्साफ (पीटीआय) ने
मंगळवारी म्हटले की, त्यांच्या संस्थापक इम्रान खान यांच्या प्रकृतीबद्दलच्या “चिंताजनक बातमीमुळे” देशभरात चिंता आणि
घबराट पसरली आहे. पक्षाने सरकारकडे इम्रान खान यांना भेटण्याची परवानगी देण्याची मागणी केली आहे.
इम्रान खान यांच्या मृत्यूचा दावा?
पत्रकार वजाहत सईद खान यांनी इम्रान खान यांचा कोठडीत कथित मृत्यू झाल्याचे वृत्त दिल्यानंतर,
त्यांच्या पीटीआय पक्षाने हे निवेदन जारी केले आहे. इम्रान यांच्या प्रकृतीबद्दल आणि
त्यांना भेटता न आल्याबद्दल आधीच चिंता व्यक्त केली जात होती
आणि या वृत्तामुळे पक्षाचे समर्थक आणि प्रशंसकांमध्ये तीव्र प्रतिक्रिया उमटली.
इम्रान खान अदियाला तुरुंगात आहेत
आम्ही तुम्हाला सांगतो की, इम्रान खान ऑगस्ट 2023 पासून तुरुंगात आहेत.
हेही वाचा-WhatsApp वापरताना ‘या’ 4 चुका करू नका; नाहीतर क्षणात अकाउंट होऊ शकते बॅन!
ते सध्या अदियाला तुरुंगात 190 दशलक्ष पौंडांच्या भ्रष्टाचार प्रकरणात तुरुंगवासाची शिक्षा भोगत आहेत.
9 मे 2023 रोजी झालेल्या आंदोलनांशी संबंधित दहशतवादविरोधी कायद्यांतर्गतही त्यांच्यावर आरोप आहेत.
पीटीआयच्या केंद्रीय माध्यम विभागाने ‘एक्स’वरील एका पोस्टमध्ये म्हटले आहे की, इम्रान यांच्या प्रकृतीबद्दलच्या
“चिंताजनक बातमीमुळे” “संपूर्ण देशभरात तीव्र चिंता आणि काळजी” पसरली आहे.
पीटीआयने आरोग्याबाबत चिंता व्यक्त केली
पीटीआयच्या निवेदनात म्हटले आहे की, “सरकारने हे लक्षात ठेवावे की इम्रान खान हे
एक सामान्य राजकीय कार्यकर्ते नसून, लाखो पाकिस्तानी लोकांचे लोकप्रिय
आणि निवडून आलेले राजकीय नेते आहेत. त्यांच्या प्रकृतीबद्दल जनतेला आश्वस्त करणे ही सरकारची जबाबदारी आहे.”
इम्रान हे देशातील सर्वात मोठ्या आणि लोकप्रिय राजकीय पक्षाचे नेते असून,
त्यांची प्रकृती आणि सुरक्षितता “लाखो पाकिस्तानी लोकांच्या चिंता आणि भावनांशी थेट निगडित आहे.
” त्यात असेही म्हटले आहे की, त्यांच्या प्रकृतीबाबतची अनिश्चितता जास्त काळ टिकवता येणार नाही आणि ती “अस्वीकार्य” आहे.
या निवेदनात मागणी करण्यात आली आहे की, सरकारने इम्रान खान यांची त्यांच्या कुटुंबीयांना, वैयक्तिक डॉक्टरांना, वकिलांना
आणि पक्षातील जबाबदार राजकीय नेत्यांना भेटण्याची तात्काळ व्यवस्था करावी. तसेच, त्यांची संपूर्ण वैद्यकीय तपासणी आणि
उपचार त्यांच्या वैयक्तिक डॉक्टरांच्या देखरेखीखाली, कुटुंबीयांच्या
उपस्थितीत आणि “पूर्ण पारदर्शकतेने” केले जावेत, असेही त्यात म्हटले आहे.
अजून तरी या बातमीबाबत पाकिस्तानी सरकारने कोणतीही प्रतिक्रिया दिलेली नाही. संकल्प टुडे देखील या बातमीची पुष्टी करत नाही.
