जुलैपासून 10, 20, 50 आणि 100 रुपयांच्या नोटा बंद होणार? PIB ने सांगितले संपूर्ण सत्य

काय खरंच 10, 20, 50 आणि 100 रुपयांच्या नोटा 1 जुलैपासून बंद होणार?

सोशल मीडियावर सध्या एक पोस्ट मोठ्या प्रमाणात व्हायरल होत आहे.

या पोस्टमध्ये 1 जुलै 2026 पासून 10, 20, 50 आणि 100 रुपयांच्या(10, 20, 50, 100 Rupee Notes Ban News 2026?)  नोटा बंद

होणार असल्याचा दावा करण्यात आला आहे. या दाव्यामागील

सत्य काय आहे? PIB आणि RBI याबाबत काय म्हणतात? जाणून घेऊया.

सोशल मीडियाचा उपयोग जितका चांगल्या कामांसाठी होतो, तितकाच तो अफवा

पसरवण्यासाठीही केला जातो. त्यामुळे अशा कोणत्याही दाव्यावर

विश्वास ठेवण्यापूर्वी अधिकृत माहिती तपासणे आवश्यक आहे.

10, 20, 50 आणि 100 रुपयांच्या नोटा बंद होणार?

सोशल मीडियावर 1 जुलै 2026 पासून 10, 20, 50 आणि 100 रुपयांच्या नोटा बंद होणार

असल्याचा दावा करण्यात आला आहे. मात्र, प्रेस इन्फॉर्मेशन ब्युरो (PIB) च्या फॅक्ट

चेकनुसार हा दावा पूर्णपणे खोटा आहे. PIB ने स्पष्ट केले आहे की, 1 जुलै 2026

पासून या नोटा बंद होणार नाहीत. त्यामुळे नागरिकांनी घाबरण्याची किंवा

चिंता करण्याची गरज नाही. या नोटा पूर्वीप्रमाणेच कायदेशीर चलन म्हणून

वापरात राहतील. अशा अफवांवर विश्वास ठेवू नये, असे आवाहनही PIB ने केले आहे.

https://x.com/i/status/2070944164322435231

सोशल मीडियावरील पत्र खरे की खोटे?

बँक ऑफ महाराष्ट्रच्या लेटरहेडवर 10, 20, 50 आणि 100 रुपयांच्या नोटा बंद

होणार असल्याचे पत्र सोशल मीडियावर व्हायरल झाले होते. मात्र, हे लेटरहेड आणि

त्यावरील मजकूर पूर्णपणे बनावट असल्याचे बँकेने स्पष्ट केले आहे.

अशा प्रकारचे कोणतेही पत्र बँकेने जारी केलेले नाही. त्यामुळे ग्राहकांनी

अफवांवर विश्वास ठेवू नये, असे आवाहनही बँकेने केले आहे.

हे ही वाचा-नांदेड सायकलिस्ट ग्रुपचा प्रभाव; सायकलिंगची वाढती क्रेझ, विक्रीतही मोठी वाढ

PIB ने काय स्पष्ट केले?

PIB च्या फॅक्ट चेक टीमने या दाव्याची पडताळणी करून तो खोटा असल्याचे स्पष्ट केले आहे.

अशा प्रकारची कोणतीही अधिकृत घोषणा करण्यात आलेली नाही.

नागरिकांनी पैशांशी संबंधित कोणतीही माहिती अधिकृत सरकारी

संकेतस्थळ किंवा संबंधित संस्थेकडूनच तपासावी आणि सोशल मीडियावरील

अप्रमाणित पोस्टवर विश्वास ठेवू नये, असे आवाहन करण्यात आले आहे.

हेही वाचा-1 जुलै 2026 पासून बदलणार हे 7 मोठे नियम.

जुन्या नोटांबाबत RBI चे नियम

रिझर्व्ह बँक ऑफ इंडियाने (RBI) यापूर्वी स्पष्ट केले आहे की, 2005 पूर्वी छापलेल्या काही

जुन्या नोटा बदलून घेण्याची सुविधा उपलब्ध करून देण्यात आली होती. मात्र, त्या

नोटा कायदेशीर चलन म्हणून कायम होत्या. बनावट नोटांवर नियंत्रण मिळवण्यासाठी

नवीन सुरक्षा वैशिष्ट्यांसह नोटा जारी करण्यात आल्या होत्या. 10, 20, 50 आणि 100

रुपयांच्या नोटा विमुद्रीकृत करण्याचा कोणताही आदेश RBI ने जारी केलेला नाही.

आर्थिक विषयांबाबत सोशल मीडियावर येणाऱ्या प्रत्येक माहितीवर विश्वास ठेवू नका.

अधिकृत स्रोतांकडून माहितीची खात्री करा. सध्या तुमच्याकडील 10, 20, 50

आणि 100 रुपयांच्या नोटा पूर्णपणे वैध असून त्या चलनात वापरता येतात.

टीप : वरील माहिती ही उपलब्ध सार्वजनिक माहिती आणि अधिकृत स्पष्टीकरणांच्या

आधारे देण्यात आली आहे. आर्थिक निर्णय घेण्यापूर्वी संबंधित अधिकृत संस्थेच्या ताज्या सूचनांची खात्री करून घ्यावी.