रोहित शर्माची रिटायरमेंट?“सिडनीला शेवटचा निरोप”: रोहित शर्माच्या रहस्यमय पोस्ट
रोहित शर्माची रिटायरमेंट?
भारत आणि ऑस्ट्रेलियामधील तीन सामन्यांच्या एकदिवसीय मालिकेनंतर “हिटमॅन” रोहित शर्मा पुन्हा एकदा चर्चेत आला आहे.
मालिकेच्या अखेरच्या सामन्यात सिडनी येथे शानदार शतक झळकावून भारताला ९ विकेटने विजय मिळवून दिल्यानंतर, रोहितने सोशल मीडियावर एक गूढ पोस्ट शेअर केली – “सिडनीला शेवटचा निरोप”.
मागील अनेक दिवसांपासून क्रिकेटच्या त्यांनी रोको अभियान चालू केले रोहित शर्मा आणि विराट कोहली या दोघांशिवाय पर्याय नाही अशातच रोहित शर्मा कधी रिटायरमेंट घेणार याविषयी देखील चर्चा सुरू झाल्या
पण आज केलेल्या रोहित शर्मा यांच्या एका पोस्टमुळे रोहित शर्मा लवकरच रिटायर होणार अशा पद्धतीच्या चर्चा क्रिकेट जगतामध्ये रंगू लागल्या आहेत पण याविषयी रोहित शर्मा यांनी कुठलीही अधिकृत घोषणा केलेली नाही
या एका वाक्यानेच चाहत्यांच्या मनात निवृत्तीच्या चर्चांना जोर आला आहे. अनेकांनी अंदाज वर्तवला की रोहित कदाचित एकदिवसीय क्रिकेटला निरोप देणार आहे.
काही चाहत्यांनी ही पोस्ट फक्त ऑस्ट्रेलिया दौऱ्याच्या समाप्तीशी जोडली असली तरी, त्याच्या भावनिक शब्दांनी चाहत्यांना गोंधळात टाकले आहे.
https://x.com/ImRo45/status/1982400421324075058?t=dARn4fCwpzDfOI295A5EiQ&s=19
सिडनी क्रिकेट ग्राउंडवर खेळताना ३८ वर्षीय रोहित शर्मा अफाट फॉर्ममध्ये दिसला. त्याने १२५ चेंडूत नाबाद १२१ धावा झळकावत भारताला मालिकेत विजय मिळवून दिला. त्याला मालिकावीर पुरस्कारही मिळाला.
सामन्यानंतर रोहित म्हणाला, “मी क्रिकेटपटू म्हणून परत येईन की नाही हे मला माहित नाही, पण प्रत्येक क्षणाचा मी आनंद घेतला.”
या वक्तव्यामुळे आणि सोशल मीडिया पोस्टमुळे त्याच्या निवृत्तीबाबतच्या अटकळी अधिकच वाढल्या आहेत. विशेष म्हणजे,
मालिकेपूर्वी त्याच्याकडून एकदिवसीय संघाचे कर्णधारपद काढून शुभमन गिलकडे देण्यात आले होते.
२००८ मध्ये आंतरराष्ट्रीय क्रिकेटमध्ये पदार्पण केलेला रोहित शर्मा आज भारतीय संघाचा आधारस्तंभ मानला जातो. कसोटी आणि टी-२० क्रिकेटमधून तो
हेही वाचा-https://sankalptoday.com/2025/10/25/drug-quality-control/
हेही वाचा-https://sankalptoday.com/2025/10/08/ayurveda-remedies-for-controlling-high-blood-pressure/
आधीच निवृत्त झाला आहे. त्यामुळे एकदिवसीय क्रिकेटमधूनही त्याचा निरोप लांब नाही का, असा प्रश्न चाहत्यांना पडू लागला आहे.
सिडनी हे मैदान रोहितच्या कारकिर्दीतील अनेक संस्मरणीय क्षणांचे साक्षीदार राहिले आहे.
त्याने सहकाऱ्यांना, विशेषतः विराट कोहलीला, मैदानावरच्या प्रवासाबद्दल धन्यवाद दिले. “एससीजी नेहमीच माझ्या हृदयाच्या जवळ राहील,” असे तो म्हणाला.
रोहितच्या या पोस्टने त्याच्या चाहत्यांना भावनिक केले असून क्रिकेटविश्वात “सिडनीला शेवटचा निरोप” हा शब्द आता चर्चेचा विषय ठरला आहे.
